လတ်တလော ဖြစ်ပွားနေသည့် သဘာဝ ဘေးအန္တရာယ် ငလျင်ဒဏ်သင့် ပြည်သူများအတွက် မြန်မာစီးပွားစီမံ အမှုဆောင်များအသင်း (MBE) က အသင်းရံပုံငွေ ကျပ်သိန်း (၁၀၀) မတည်၍ MBE အသင်းဝင်များ နှင့် မိတ်ဆွေ အလှူရှင်များ၏ လှူဒါန်းငွေ နှင့် ပစ္စည်းများကို စုစည်းကာ “MBE အသင်း၏ ငလျင်ဘေးအန္တရာယ် တုန့်ပြန်ကူညီရေး” အစီအစဉ်များကို ဆောင်ရွက်လျက်ရှိပါသည်။
ယခု အစီအစဥ် အစိတ်အပိုင်းတစ်ရပ်အနေဖြင့်
(က) ORASEL (Lemon) ဓါတ်ဆားထုပ်များ – ၂၅ ထုပ်ပါ ပါကင်ဗူး (၈၀) ခု – စုစုပေါင်း (၂၀၀၀) ထုပ်၊
(ခ) AQUATABS (၆၇ မီလီဂရမ်) ရေသန့်ဆေးပြား ၃၀၀ ခုပါ ပါကင်ဗူး ၁၀၀ – စုစုပေါင်း ဆေးပြား (၃၀၀၀၀) ခု၊
(ဂ) ၂ ယောက်အိပ် ခြင်ထောင် စုစုပေါင်း (၁၀၀) ခု၊
(ဃ) Death Body အိတ် အခုရေ (၃၀ဝ) လုံး
တို့ကို JJ Express ယာဥ်လိုင်း အကူအညီဖြင့် ငလျင်ဒဏ်သင့် မန္တလေးမြို့သို့ (၃၁-၃-၂၀၂၅) ရက်နေ့က စတင်၍ ပို့ဆောင်ပေးလျက် ရှိပါသည်။
အဆိုပါ အလှူပစ္စည်းများကို အသင်းနှင့် ချိတ်ဆက် ဆောင်ရွက်ထားသည့် မြေပြင်လုပ်ငန်းအဖွဲ့များ ကတဆင့် ငလျင်ဒဏ်သင့် မန္တလေးမြို့ နှင့် စစ်ကိုင်းမြို့ များရှိ ငလျင်ဒဏ်ခံ ပြည်သူများထံသို့ စနစ်တကျ မျှဝေ လှူဒါန်း ဆောင်ရွက်လျက်ရှိပါကြောင်း အသိပေး ဖော်ပြအပ်ပါသည်။
